ദലിത്-മറാഠ സംഘര്ഷമെന്ന പേരില് വാര്ത്താ മാധ്യമങ്ങളില് ശ്രദ്ധ നേടിയ, ഭീമ കൊറെഗാവ് യുദ്ധത്തിന്റെ 200ാം വാര്ഷികത്തില് ദലിതുകള്ക്കു നേരെ നടന്ന സവര്ണ ആക്രമണത്തില് ശക്തമായ പ്രതിഷേധം പ്രകടിപ്പിച്ച ദലിത് മുന്നേറ്റം ഇന്ത്യയിലെ പിന്നോക്ക വിഭാഗത്തിനു ശുഭ പ്രതീക്ഷ പകരുന്നു. സവര്ണ ബ്രാഹ്മണ നേതാക്കള്ക്കെതിരെ തങ്ങളുടെ മുന്ഗാമികള് നടത്തിയ പോരാട്ടത്തിന്റെ സ്മരണയില് അരലക്ഷത്തോളം വരുന്ന ദലിത് സമുദായാംഗങ്ങളാണ് ഐക്യത്തോടെ തെരുവിലിറങ്ങുകയും ഒരു ദിവസത്തെ പൂര്ണ ബന്ദ് വിജയകരമായി നടപ്പാക്കുകയും ചെയ്തത്. ജിഗ്നേഷ് മേവാനിയടക്കമുള്ള നേതാക്കള് പങ്കെടുത്ത പരിപാടിക്കു നേരെ മഹാരാഷ്ട്രയിലെ സവര്ണ നേതാക്കള്, ബിജെപിയുടെ കൂടി പിന്തുണയോടെ സംഘര്ഷമുണ്ടാക്കിയതായിരുന്നു പ്രശ്നമെങ്കിലും, ദലിതുകള് യാതൊരു മുന്നൊരുക്കവുമില്ലാതെ തന്നെ തെരുവിലിറങ്ങിയത് കുഴപ്പക്കാര്ക്ക് തിരിച്ചടിയായി മാറി.
 |
| ഭീമ കൊറെഗാവ്: ദലിത് മുന്നേറ്റം ഉയര്ത്തുന്ന പ്രതീക്ഷകള് |
ചത്ത പശുവിന്റെ തൊലിയുരിഞ്ഞതിന്റെ പേരിലും മറ്റു നിസ്സാര കാര്യകാരണങ്ങള്ക്കു വേണ്ടിയും ക്രൂര പീഡനങ്ങളും അടിച്ചമര്ത്തലുകളും സഹിച്ചു കൊണ്ടിരിക്കുന്ന ദലിത് വിഭാഗങ്ങള് ഐക്യത്തോടെയുള്ള ഒറ്റക്കുതിപ്പില് തങ്ങളുടെ വിജയം സ്വപ്നം കാണുന്നുണ്ട്. സവര്ണ മേധാവിത്വം അവസാനിപ്പിക്കാനും തുല്ല്യനീതി നിലവില് വരുത്താനുമുള്ള കരുത്തും ആര്ജ്ജവവും ഞങ്ങള്ക്കുണ്ട് എന്നതായിരുന്നു ഭീമ കൊറെഗാവ് യുദ്ധവാര്ഷികത്തിലും അതിനു ശേഷമുള്ള പ്രതിഷേധ പരിപാടികളിലും ദലിത് സമൂഹം നല്കിയ സന്ദേശം. അതിലാണ് ഇന്ത്യയുടെ ഭാവിയും ജനാധിപത്യത്തിന്റെ ശുഭപ്രതീക്ഷകളും അടങ്ങിയിരിക്കുന്നത്.
Comments
Post a Comment