അനന്തമായ, ചെന്നു ചേരാനിടമില്ലാത്ത ഒരു പ്രവാഹമാണ് സോഷ്യല് മീഡിയ, ഒഴുക്കിനെതിരെ നീന്തുന്നവര് ഒഴുക്കില് പെട്ട് പരാജിതരായി വെള്ളം കുടിച്ചു പോകുന്ന മഹാപ്രവാഹം. അതിലേക്കിറങ്ങി നീന്തിത്തുടങ്ങിയവര് കരകാണുക അപൂര്വ്വങ്ങളില് അത്യപൂര്വ്വമായിരിക്കും. സര്വ്വ വശങ്ങളിലേക്കും നീന്തി വശം കെട്ട് അവര് അവസാനം വേര്പ്പെടുത്താനാവാത്ത വിധം അതില് ലയിച്ചു പോകുന്നു.
സോഷ്യല് മീഡിയയ്ക്കൊപ്പം നീന്തുമ്പോള്, അനേകായിരം കാഴ്ച്ചകളുടെയും അനുഭവങ്ങളുടെയും ജലധാരകള് കണ്ട് മനം കുളിരണിയും. വിവാദങ്ങളുടെ, അപകീര്ത്തി പ്രചാരണങ്ങളുടെ, അസത്യങ്ങളുടെ മാലിന്യക്കൂമ്പാരങ്ങളൊരുക്കുന്ന ദുര്ഗന്ധത്തിന്റെ വിരസക്കൂട്ടുകള് നാസിക മണ്ഡലങ്ങളില് ഇരച്ചു കയറും. ഫേക്ക് ന്യൂസുകളുടെയും ഇന്ക്ലൂസീവുകളുടെയും അടിയൊഴുക്കുകളില് ലോകം കീഴ്മേല് മറിഞ്ഞു കൊണ്ടിരിക്കുന്നത് അനുഭവിച്ചറിയും. വ്യക്തിഹത്യകളുടെയും വൈരാഗ്യങ്ങളുടെയും കുപ്പിച്ചില്ലുകളെ വാ തൊടാതെ അകത്താക്കാന് പഠിക്കും. വ്യക്തി പ്രഭാവത്തിന്റെ ബലൂണുകള് ഊതി വീര്പ്പിക്കാന് പരിശീലനം ലഭിക്കും. അപരിചിത വിഷയങ്ങളില് പോലും നിര്ലോഭം അഭിപ്രായങ്ങള് പുറത്തു വിടുന്ന യാന്ത്രികതയിലേക്കുള്ള ചുവടു മാറ്റങ്ങള് കണ്ട് കൃത്രിമ പുഞ്ചിരികള് എടുത്തണിയും.
സോഷ്യല് മീഡിയയ്ക്കൊപ്പം നീന്തുമ്പോള്, അനേകായിരം കാഴ്ച്ചകളുടെയും അനുഭവങ്ങളുടെയും ജലധാരകള് കണ്ട് മനം കുളിരണിയും. വിവാദങ്ങളുടെ, അപകീര്ത്തി പ്രചാരണങ്ങളുടെ, അസത്യങ്ങളുടെ മാലിന്യക്കൂമ്പാരങ്ങളൊരുക്കുന്ന ദുര്ഗന്ധത്തിന്റെ വിരസക്കൂട്ടുകള് നാസിക മണ്ഡലങ്ങളില് ഇരച്ചു കയറും. ഫേക്ക് ന്യൂസുകളുടെയും ഇന്ക്ലൂസീവുകളുടെയും അടിയൊഴുക്കുകളില് ലോകം കീഴ്മേല് മറിഞ്ഞു കൊണ്ടിരിക്കുന്നത് അനുഭവിച്ചറിയും. വ്യക്തിഹത്യകളുടെയും വൈരാഗ്യങ്ങളുടെയും കുപ്പിച്ചില്ലുകളെ വാ തൊടാതെ അകത്താക്കാന് പഠിക്കും. വ്യക്തി പ്രഭാവത്തിന്റെ ബലൂണുകള് ഊതി വീര്പ്പിക്കാന് പരിശീലനം ലഭിക്കും. അപരിചിത വിഷയങ്ങളില് പോലും നിര്ലോഭം അഭിപ്രായങ്ങള് പുറത്തു വിടുന്ന യാന്ത്രികതയിലേക്കുള്ള ചുവടു മാറ്റങ്ങള് കണ്ട് കൃത്രിമ പുഞ്ചിരികള് എടുത്തണിയും.
നിമിഷാര്ദ്ധങ്ങള്ക്കുള്ളില് ഒഴുക്കുകള് എതിര്ദിശയിലേക്കു മുഖം തിരിക്കുകയും ശാന്ത സാഗരം ഭീകരമായ അലയൊലികള്ക്കും ജന്മം നല്കുകയും ചെയ്യുന്ന അത്ഭുത ലോകമാണ് സോഷ്യല് മീഡിയ. സമൂഹത്തിന്റെയും വ്യക്തികളുടെയും മുഖം വികൃതമാക്കുന്ന ട്രോളുകളുടെ അമ്ല മഴയും പ്രതിഷേധ പ്രകടനങ്ങളുടെ ചുഴികളും വിവാദങ്ങളുടെ ചുഴലിക്കാറ്റുകളും അതിന്റെ പ്രക്ഷുബ്ധതയ്ക്കു വര്ദ്ധിത വീര്യം പകരുന്നു. നാടോടുമ്പോള് നടുവെ ഓടാത്തവര് ഈ നഗരത്തില് നിരാലംബരായി മുങ്ങിത്താഴുന്നു.
പച്ചപ്പിന്റെ മരതകക്കാഴ്ച്ചകളും പ്രദോഷത്തിന്റെ സുവര്ണ്ണപ്പൊട്ടുകളും ഒഴുകുന്ന പുഴയുടെ ശാന്തയും ആകാശത്തിന്റെ നീലിമയും സൂര്യചന്ദ്രന്മാരുടെ സവര്ണോദയങ്ങളും സോഷ്യല് മീഡിയയിലെ ജെപിജി ഫയലുകളുടെ മാറ്റ് കൂട്ടുന്നു. നഗ്ന കാഴ്ച്ചകള്ക്കു നേരെ നിസ്സംഗതയോടെ അവഗണനയുടെ കണ്ണുകളെറിയാനും സോഷ്യല് മീഡിയയിലെ ഇമേജുകളുടെ ബ്യൂട്ടി ആസ്വദിച്ച് 'ഹൗ, വണ്ടര് ഫുള്' എന്നു പ്രതികരിക്കാനും സോഷ്യല് മീഡിയയുടെ പ്രിയ കൂട്ടുകാരുടെ മാനസങ്ങള് തുടിക്കുന്നു. അടുത്തിരിക്കുന്ന, ത്യാഗങ്ങളുടെയും സമര്പണങ്ങളുടെയും കഥകള് പറയാനുള്ള അമ്മയുടെ സുന്ദര വദനം സോഷ്യല് മീഡിയയില് നീന്തുന്നതിനിടയില് അരോചകത്വത്തിന്റെ പ്രതീകമായി മാറുന്നു. സ്നേഹത്തിന്റെ, കഠിനാധ്വാനങ്ങളുടെ ചരിതങ്ങള് പറയാനുള്ള അച്ഛന്റെ മുഖം സോഷ്യല് മീഡിയയില് നിന്നും കിട്ടിയ കാര്ക്കിച്ചു തുപ്പലിന്റെ പരിശീലന വേദിയായി പരിണമിക്കുന്നു.
വികാരങ്ങളുടെ വേലിയേറ്റങ്ങളറിയുന്നത് സോഷ്യല് മീഡിയയില് നീന്തിത്തുടിക്കുമ്പോഴാണ്, അന്യന്റെ ബര്ത്ത് ഡേ വിഷുകള് നല്കാന് സമയം വൈകുമ്പോള്, അവന് പോസ്റ്റ് ചെയ്ത ഫോട്ടോക്ക് ലൈക്കടിക്കാന് വിട്ടു പോകുമ്പോള്... വിധി വൈപരീത്യങ്ങളെ ചൂടാറാതെ പോസ്റ്റ് ചെയ്യുമ്പോഴാണ് ആത്മ നിര്വൃതി അനുഭവിക്കാന് കഴിയുക. വീട്ടില് അച്ഛന്റെ അടിയന്തിരം നടക്കുമ്പോഴും മറ്റൊരാള് നടുറോഡില് പിടഞ്ഞു വീഴുന്ന ചിത്രത്തിന് കമന്റുകള് തുരുതുരെ പോസ്റ്റ് ചെയ്യുന്നതിന്റെ രസം ഒന്നു വേറെത്തന്നെ. അവന്റെ കമന്റുകള്ക്ക് ലൈക്കടിക്കാന് സമൂഹ മാധ്യമങ്ങളുടെ സാഗരങ്ങളില് നീന്തുന്ന മറ്റനേകം പ്രതീക്ഷാ നിര്ഭരമായ ഹൃദയങ്ങളുണ്ട്, സോറി, യന്ത്രങ്ങളുണ്ട്. ആ മഹാപ്രവാഹത്തില് അങ്ങനെ അങ്ങനെ മറ്റെന്തൊക്കെയോ ആയിത്തീരുന്നു.
Comments
Post a Comment