ദി ബ്ലോഗ് മലയാളം

   ത്യാഗോജ്ജ്വലമായ ഹിജ്‌റയുടെ ഓര്‍മകള്‍ പുതുക്കിക്കൊണ്ട് മറ്റൊരു പുതുവര്‍ഷം കൂടി ആഗതമായിരിക്കുന്നു. അല്ലാഹുവിന്റെ ദീനില്‍ വിശ്വസിച്ചതിന്റെ പേരില്‍ പീഡനങ്ങളേറ്റു വാങ്ങിയ റസൂലും സ്വഹാബികളും ഹിജ്‌റ പോയപ്പോള്‍ മദീനയിലെ നിര്‍മല ഹൃദയര്‍ അവരെ സസ്‌നേഹം സ്വാഗതം ചെയ്തു. എന്നാല്‍, ഇസ്‌ലാമിന്റെ പേരില്‍ പീഡനങ്ങളും മര്‍ദ്ധനങ്ങളും സഹിച്ചു കൊണ്ട് പലായനം ചെയ്യുന്നവരെ സ്വീകരിക്കാന്‍ മടി കാണിക്കുന്ന മുസ്‌ലിം രാഷ്ട്രങ്ങള്‍ക്ക് പുനരാലോചിക്കാനുള്ളതാകട്ടെ ഈ പുതുവര്‍ഷപ്പുലരി എന്നാശംസിക്കുന്നു.

സ്വാതന്ത്ര്യത്തിന്റെ എഴുപതാം വാര്‍ഷികം ആഘോഷിച്ച ഇന്ത്യന്‍ ജനത ആഴ്ച്ചകള്‍ക്കുള്ളില്‍ തന്നെ സ്വാതന്ത്ര്യത്തിന്റെ എഴുപതു വര്‍ഷങ്ങള്‍ തന്നെയാണോ തങ്ങള്‍ ആഘോഷിച്ചത് എന്ന് സന്ദേഹിക്കേണ്ടി വന്നു. ഗൗരി ലങ്കേഷ് എന്ന ആധുനിക ഇന്ത്യയുടെ 'സ്വാതന്ത്ര്യ സമര പോരാളി' സ്വാതന്ത്ര്യ ധ്വംസകരുടെ കറുത്ത കരങ്ങളാല്‍ ജീവന്‍ വെടിഞ്ഞ സംഭവം ജനാധിപത്യ വിശ്വാസികള്‍ക്ക് താങ്ങാനാവാത്തതായിരുന്നു. ആ സമര്‍പ്പിത ജീവിതത്തിന്റെ നിര്‍ഭാഗ്യകരമായ ദാരുണാന്ത്യം ഭാരതത്തിന്റെ ചരിത്രത്തില്‍ മറ്റൊരു കറുത്ത പാട് കൂടി തുന്നിച്ചേത്തു. ഈയവസരത്തില്‍, യഥാര്‍ത്ഥത്തില്‍ ഇന്ത്യയില്‍ സ്വാതന്ത്ര്യം നിലവിലുണ്ടോ എന്ന വസ്തുതാപരമായ വീക്ഷണം വളരെയധികം പ്രാധാന്യമര്‍ഹിക്കുന്നു. വിവിധ മേഖലകളില്‍ ഇന്ത്യന്‍ പൗരന്മാര്‍ക്ക് സ്വതന്ത്രമായി ഇടപെടാന്‍ സാധിക്കുന്നുണ്ടോ എന്ന ചോദ്യത്തിന് അനല്‍പമായ പ്രസക്തിയുണ്ടല്ലോ. സ്വാതന്ത്ര്യ ലബ്ധി മുതല്‍ ഇതു വരെയുള്ള ഇന്ത്യയെ കൃത്യമായി അവലോകനം ചെയ്താല്‍ ഇന്ത്യ 'സ്വതന്ത്ര രാജ്യം' എന്ന സ്വപ്നം ഇനിയും സാക്ഷാത്ക്കരിച്ചിട്ടില്ല എന്ന വസ്തുത ബോധ്യമാകും. 2014ല്‍ മോദി സര്‍ക്കാര്‍ ഭരണമേറ്റെടുത്തതു മുതല്‍ ഇന്ത്യ അനുഭവ...

സമാധാനമില്ലാത്ത മറ്റൊരു സമാധാന ദിനം കൂടി... സമാധാനത്തിന്‌ നോബേല്‍ സമ്മാനം കിട്ടിയ സൂചി എന്ന അവസരവാദി അധികാരം കിട്ടിയപ്പോള്‍ സമാധാനഹത്യക്കായി പോരാടിക്കൊണ്ട്‌ സ്വന്തം ഭാഗം ന്യായീകരിച്ചു കൊണ്ടിരിക്കുന്നു എന്നത്‌ അപലപനീയമാണ്‌. സമാധാനം ഇല്ലായ്‌മ ചെയ്‌ത്‌ രാഷ്ട്രങ്ങള്‍ക്കിടയില്‍ യുദ്ധങ്ങള്‍ക്കും ഉപരോധങ്ങള്‍ക്കും കളമൊരുക്കിക്കൊണ്ടിരിക്കുന്ന അമേരിക്കയെ പോലുള്ള രാഷ്ട്രങ്ങള്‍ ലോക സമാധാന ദിനത്തില്‍ നിന്ദ്യതയോടെ തലകുനിച്ച്‌ കുറ്റം സമ്മതിക്കണമെങ്കില്‍ മറ്റു രാഷ്ട്രങ്ങള്‍ ഇത്തരം രാഷ്ട്രങ്ങളുടെ കുതന്ത്രങ്ങള്‍ തിരിച്ചറിഞ്ഞ്‌ പോരാട്ടങ്ങള്‍ നടത്തേണ്ടതുണ്ട്‌. ഇന്ത്യയടക്കമുള്ള രാഷ്ട്രങ്ങള്‍ സമാധാനമെന്തെന്നറിയാത്ത സാഹചര്യത്തിലേക്ക്‌ വഴുതി വീഴാനുള്ള കാരണവും ഇത്തരം രാഷ്ട്രങ്ങള്‍ ആഭ്യന്തര വിഷയങ്ങളില്‍ അവിഹിതമായി ഇടപെടുന്നതാണ്‌ എന്നു തിരിച്ചറിയേണ്ടതുണ്ട്‌.