തെരഞ്ഞെടുപ്പ് അടുത്തതോടെ ഏമാന്മാര് കൈയ്യും കൂപ്പി നടന്നു തുടങ്ങി. പ്രധാനമന്ത്രിയടങ്ങുന്ന ' ജനസേവകര് ' സകല ജനങ്ങളെയും അഭിവാദ്യം ചെയ്തും ' ബഹുമാനിച്ചും ' ഓച്ഛാനിച്ചു നില്ക്കുന്ന കാഴ്ച്ച കാണുമ്പോള് കുറച്ചു കാലത്തേക്കെങ്കിലും ' ജനാധിപത്യം ' കാണാന് കഴിഞ്ഞല്ലോ എന്ന് ആശ്വസിക്കാന് തോന്നുന്നു. പണം വാരിയെറിഞ്ഞും വാഗ്ദ്ധാനപ്പെരുമഴകള് പെയ്യിച്ചും രംഗം കൊഴുപ്പിച്ച് എങ്ങനെയെങ്കിലും അഞ്ചു വര്ഷക്കാലത്തേക്ക് ഒരു കസേര ഒപ്പിക്കാനുള്ള വ്യഗ്രത കാണുമ്പോള് ചിരി വരുന്നു. ജനങ്ങളെ കഴുതകളാക്കുന്നവര്ക്ക് ഈ ഗതി തന്നെ വരണം. ചിലപ്പോള് , അവര് മനസ്സില് പറയുന്നുണ്ടാവും , കാര്യം കാണാന് കഴുതക്കാലും പിടിക്കണമല്ലോ എന്ന്. അതു പറഞ്ഞപ്പോഴാണ് ഓര്മ്മ വന്നത് , ഈയടുത്ത് ഏതോ പത്രത്തില് വന്ന ഒരു കാര്ട്ടൂണിലെ രംഗം. പാമ്പ് രൂപികളായ നേതാക്കള് ഓന്തുകളായ ജനങ്ങള്ക്ക് വാഗ്ദ്ധാനങ്ങളുമായി വരുന്ന രംഗം. പാമ്പുകള് പരസ്പരം പറയുന്നതിങ്ങനെയാണ്: ' ഇവര്ക്ക് വേണ്ടത് വാഗ്ദ്ധാനങ്ങളാണ് , അതെത്രയും കൊടുത്തോളൂ. ഒന്നും പേടിക്കാനില്ല , അവര് പെട്ടെന്നു മറന്നു പോകുന്ന കൂട്ടരാണ് '. ചിന്തിച...