മലയാള സാഹിത്യത്തിലെ കുലപതികളിലൊരാളായിരിക്കാം എംടി വാസുദേവന് നായര്. പക്ഷേ, എന്തു പറഞ്ഞാലും അദ്ധേഹം നടത്തിയെന്നു പറയുന്ന പരാമര്ശം തീര്ത്തും മതേതര വിരുദ്ധവും ഭാരതത്തിന്റെ പാരമ്പര്യത്തിനോട് നിരക്കാത്തതുമാണെന്നതില് സംശയമില്ല. "ഈ കുട്ടികള് എങ്ങാനും ഭാവിയില് തീവ്രവാദികളായി വന്നാല് ഞാന് എന്തുചെയ്യും? ഇനി സ്വര്ഗത്തില് വച്ച് കാണാം എന്നു പറഞ്ഞല്ലേ വേള്ഡ് ട്രേഡ് സെന്റര് തകര്ത്തത്?" എന്നതായിരുന്നു അദ്ധേഹത്തിന്റെ പരാമര്ശമായി ആരോപിക്കപ്പെട്ടത്. തുടര്ന്ന്, 'ഇങ്ങനെ ഒരു ക്യാമ്പില് പങ്കെടുക്കുന്ന ആരെങ്കിലും തീവ്രവാദ പ്രവര്ത്തനം നടത്തിയാല് ഒപ്പിട്ട തന്നെയും അതു ബാധിക്കില്ലേ?' എന്ന് ചോദിച്ചതായി അദ്ധേഹം തന്നെ ചില ഓണ്ലൈന് മാധ്യമങ്ങളോട് വെളിപ്പെടുത്തി. എന്നാല്, ആരോപിക്കപ്പെട്ടതു പോലെ മുസ്ലിം വിരുദ്ധ പരാമര്ശമായല്ല താന് അതു പറഞ്ഞെന്നും അദ്ധേഹം വ്യക്തമാക്കി.
എംടി വാസുദേവന് നായര് മതേതര ഇന്ത്യയുടെ പ്രതീകമാണെന്ന് പറഞ്ഞു കൊണ്ട് അദ്ധേഹത്തിന് പിന്തുണയര്പ്പിച്ച് ശിഹാബുദ്ധീന് പൊയ്ത്തുംകടവടക്കമുള്ള ചില എഴുത്തുകാരും ബ്ലോഗര്മാരുമൊക്കെ രംഗത്തു വന്നിട്ടുണ്ട്. സോഷ്യല് മീഡിയയില് വളരെയധികം ചര്ച്ചയാവുകയും നിരവധി പ്രതികരണങ്ങളുണ്ടാവുകയും ചെയ്തിരുന്നു ഈ വിഷയം.
എംടി വാസുദേവന് നായര് നടത്തിയെന്ന ആരോപണമുയര്ന്ന പ്രസ്താവന മതേതര വിരുദ്ധമല്ലേ? അല്ലെന്നു പറയാന് ചങ്കുറപ്പുള്ള ആരെങ്കിലും ഇപ്പറഞ്ഞവരിലുണ്ടോ? തന്റെ പരാമര്ശം അദ്ധേഹം തന്നെ സമ്മതിച്ചതാണെന്നതിനെക്കുറിച്ചല്ല ചോദ്യം. മതേതര ഇന്ത്യക്കു നിരക്കാത്ത വാക്കുകള് ആരു ഛര്ദ്ധിച്ചാലും എതിര്ക്കപ്പെടേണ്ടതാണെന്ന പൊതുമനോഭാവത്തെ സംഘികള്ക്കൊപ്പം നിന്ന് നശിപ്പിക്കാനുള്ള ശ്രമത്തില് പരോക്ഷമായെങ്കിലും ചില ഇടപെടലുകള് ഈ വാക്കുകള് വിമര്ശനമായി സ്വീകരിക്കണമെന്ന വാദം ഉന്നയിക്കുന്നവര് നടത്തിയിട്ടുണ്ട് എന്നു പറഞ്ഞാല് തെറ്റാകുമെന്ന് തോന്നുന്നില്ല.
Comments
Post a Comment